薛凱琪被笑頸長抬唔起頭
薛凱琪與萬梓良首次合作電影，她坦言初初見面時以為對方很cool很有霸氣，但原來私底下相當幽默，更自爆萬子曾笑她「條頸好長」，拍照時最好垂下頭，令她覺得好嬲又好笑。
實力派演員萬梓良（萬子）與歌手薛凱琪，於馮志強執導的新片《懸紅》飾父女。首次合作薛凱琪坦言事前被萬梓良的霸氣嚇倒：「有次佢望住我好耐，然後叫我埋佢身邊，佢話我條頸好長，影相最好耷低頭會好睇啲。」
超水準演出
薛凱琪大讚萬子性格幽默，不用埋位時會唱歌娛賓，完成拍攝後，更以英文寫下一張卡與她道別。萬子亦大讚她演技出色，其中一場重要戲份有「五粒星」難度，她則演出了五粒半星的水準。
想再演父女
萬子於戲中要佩戴「大眼仔」演出，可惜佩戴多次未能成功，最後要薛凱琪出手相助。他笑言薛凱琪下次拍戲需要人演父親，可再找他演出。問到有否香港電視台找他回港助陣？萬子說：「等佢有牌先啦，咁真係有排嘞！」導演馮志強亦讚二人合拍，很感激萬子能參與電影：「因為萬子好耐冇出來拍戲，所以我加強佢角色效果，要佢戴大眼仔演出。」
髮型：So Lam Queens Private-i
化妝：Jessica Chan Make Up Workshop
服裝：Blessed Ave The Meek By Runway Workshop
場地：E-Max Max Home 名雅家居博覽
文：影視組