糖妹搣脂密密操
有「甜姐兒」之稱的糖妹（黃山怡）最近工作不斷，為保持美好身段及減磅消脂，她近日密密到健身中心喼弗，更獲型男教練Zero教路，由於糖妹不滿腰部及腳部，故要練習半蹲動作，又要練側腹踢走腰間贅肉，還喪舉啞鈴，務求操出「老鼠仔」。由於去年忙於工作，甚少時間做運動，故糖妹練習時表現吃力，但她仍死撐到底，她說：「半蹲動作真係好辛苦，之前最多都係喺屋企拉筋，不過都唔係好足夠，所以今年的起心肝喪Gym。」
糖妹自爆之前測試過脂肪比例，已達邊緣位置，故加強她消脂的決心，問到男友Dominic有否讚她消瘦？她說：「冇喎，仲話我有啲啲肥，不過朋友就讚我瘦咗，我會努力架！」
