鄭融惡鬥象拔蚌 同鮑魚say hi
鄭融日前相約新城DJ到海鮮檔買海產食材，準備炮製海鮮餐，愛整蠱鄭融的路芙刻意要她拿巨型鮑魚及噴水象拔蚌拍照，大玩有味笑話，心知被「惡搞」的鄭融一味尷尬傻笑，語無倫次的笑住話要同鮑魚say hi。
日前鄭融隨新城DJ路芙及李國能冒雨到屯門樂天海鮮檔買貴價海鮮準備開大食會，原來身嬌肉貴的她精於廚藝，故對生猛海鮮全無懼色，當她揀完龍蝦、蜆後，路芙就叫她再揀巨型鮑魚，當她手執大鮑魚時，鬼馬路芙奸笑說：「阿融，黑鮑呀，你掂一掂佢啦！」鄭融心知好友講「鹹濕嘢」時，即面露尷尬之色，只肯和鮑魚說：「hi，你好嗎？」
路芙見鄭融不肯就範，又捉她揀斤両十足的象拔蚌，當她看見象拔蚌不停噴水時，不知如何是好的鄭融高聲呼叫：「佢噴水呀，點算呀？」場面搞笑。
多食素少殺生
鄭融表示閒時也會到街市選購食材親手下廚，不過她不忍殺生：「雖然我都鍾意揀新鮮嘅食物，但要我殺死啲生勾勾嘅生物就唔好囉，我只會買死咗或者叫工人姐姐劏。」問她可考慮食素？她說暫時未能食全素，皆因每逢工作辛苦時，也心郁郁想大擦牛扒補充體力，不過她希望將來可慢慢減少食葷，希望可有助環保，兼減少殺生。
文：音樂組