周家蔚梁靖琪為港女搵好Bra

最近與洪天明結婚的藝員周家蔚（Janet）與梁靖琪（Toby）已齊齊升格為「人妻」，雖然她們各有另一半，但平日亦是無所不談的知心友，連貼身穿着內衣的心得也會傾餐飽，兩人小時候原來都有過買錯內衣的經驗，最近她們在偶然機會下認識了內衣品牌Bubies的創意總監Nick Chau，言談間一拍即合，以「Romance by JT」命名設計內衣系列。

周家蔚和Toby拍檔造Bra理念是要為香港女士們找尋「絕世好Bra」，當中會有專為晚裝、婚嫁而設的款式，Toby說：「其實好多人到廿幾歲都仲揀錯Bra，希望可以幫大家搵到Right Bra。」周家蔚說：「好Bra難求，啱身又舒適嘅Bra唔係咁易買到，會攞自己嘅經驗去設計好Bra。」

未試過爭拗

周家蔚和Toby合作有商有量，兩人會穿着內衣的製成品給對方「欣賞」，互相品評及給予意見改良產品，周家蔚表示：「設計可以天馬行空，但着上身嘅感覺係最重要，我哋會着畀對方睇，大家可以畀吓意見。」

兩人夾手夾腳設計內衣，平日不時會對款式交換意見，問她們會不會有爭拗呢？Toby表示：「冇喎，雖然大家都有唔同意見，但係我哋真係太熟喇，乜嘢都可以坦白攞出嚟講，所以未試過有拗撬。我以為自己都係一個好冇所謂嘅人，點知Janet仲冇所謂過我，所以有時我都要做衰人嘅角色。」周家蔚則說：「我都要學吓Say No。

文：影視組