泳兒懶懶閒爆男友粉絲身份

Vincy相隔1年再推出全新廣東歌，問和男友拍拖半年的她可有在新碟中憑歌寄意？她坦言新歌《很慣很懶》正是講述兩人的戀愛生活：「係講我哋兩個點樣相處，其實我哋都幾無聊，好似細路仔咁，（以前未試過唱自己愛情嘅歌？）都有，但嗰啲係寫番以前啲男朋友，唔同依家呢首感覺咁近。」

送碟畀男友

她直言新碟推出後，會親送一張給男友，問她可有給男友先「聽」為快？Vincy則說尚未，但有向男友提及，又爆原來Ziv是她的歌迷：「有次同佢傾偈，佢竟然記得我有首歌叫《今天很懶惰》。」她又說半年前推出國語碟時，曾有人誤會《半公開的秘密》是講她的男友，但其實：「唔係囉，因為嗰時都未拍拖，《很慣很懶》先係第一首寫男友嘅歌。」

入行7年的Vincy說為求新突破，在揀歌方面放了很多時間。	泳兒近年的形象轉趨性感。	泳兒與男友拍拖半年，感情穩定。

想唱冷門歌

轉眼間Vincy已入行7年，她說為求新突破，和唱片公司揀歌投放了很多時間：「公司覺得我係時候改變喇，所以單喺揀歌都搞咗好耐，（係咪壓力都大咗？）係呀，我都想做好啲，唔想做咗7年都係原地踏步。」她又說新人時為求盡快得歌迷認識，會刻意揀易hit的K歌做派台歌，但現今她已不是新人，就想唱較冷門的情歌，可惜又怕市場難於接受，令她和唱片公司感頭痛：「要喺非主流同商業上取得平衡，呢方面最難。」

文：音樂組