袁詠儀北上搵老公囝囝唔跟

影后袁詠儀（靚靚）昨日接受DJ訪問，透露暑假將會北上拍劇，問她酬勞豐厚？靚靚笑言：「今次係女人戲，劇本加分喇！啲錢慢慢使都應該有排使。」她透露已經為兒子「魔童」安排好暑期班，即使她不在身邊，魔童都忙到分身不暇：「佢依家個個禮拜play date同開派對忙到死，我寧願快啲開劇，都冇咁辛苦。」她又指下月會帶魔童到上海旅行兼探老公張智霖，不過魔童一聽到去上海即耍手擰頭，原來魔童首次到上海時患腸胃炎而嚇怕。