泳兒買家具 揀親一對對

Vincy自和髮型師男友Ziv公開戀情後，「剩女」升呢為「盛女」變得如沐春風，日前她在助手及張致恒（Steven）及師弟羅力威陪同下，到家品店購物時，枕頭、咕𠱸、牙刷、浴袍、拖鞋、水杯全部「打孖上」。最令人生疑是她每樣都是揀「鴛鴦色」，如牙刷是「紅藍配」，浴袍則揀杏色及藍色，令人懷疑她有意和男友共賦同居。

當Vincy看見分別印有兩人英文名字頭的「V」及「Z」字水杯時，即手指指跟助手一同研究，可惜她最終沒有買下，反而情傾另一款花紋杯。當她看見有香檳沐浴露時，即時擸兩支又再揀多兩支香薰蠟燭，看來她欲和男友浸泡泡浴搞搞情趣事。

泳兒揀咕o臣都係打孖上。

張致恒（左）及羅力威（右）陪同泳兒揀家具。

感情生活甜蜜

此外，Vincy幾乎「寵幸」過全店所有梳化，為試清楚梳化的舒適度，更懶理偶像歌手身份，當眾挨在梳化，又一字形全身躺在梳床上，十足試彈弓床一樣。其後見她彈起身揀清潔用品，Vincy研究完廁所刷後，又用浴刷擦背，場面搞笑。同樣忙揀家品的Steven及羅力威，待Vincy揀完心頭好後，就排排坐在梳化上傾談，Vincy狂揭目錄冊給師兄過目，似要向Steven請教。

泳兒懶理形象，攤在梳化上。

泳兒承認有為男友睇日用品。

記者日前致電Vincy問到是否買定家居用品準備和男友同居？她哈哈笑說：「我係打算搬屋，不過嚟緊我會同Steven、羅力威做室內設計師，幫酒店設計具個人風格嘅客房，嗰日就係要揀設計房間嘅用品。」問到可有順道為男友揀購家居用品？她說：「唔講呢啲喇！總之我同佢（男友）感情生活甜蜜啦！嗰日都有幫佢睇啲日用品嘅！」

文：音樂組