翟威廉被照肺：我覺得冇唔妥

前港男翟威廉被爆曾跟同志富商劉定成開P，同場還有「巨聲幫」吳業坤、胡鴻鈞等，昨早翟威廉接受查小欣電台節目訪問，他聲稱照片是年幾兩年前拍攝，是劉生契仔Hanson搞的港男慶功派對：「我覺得冇唔妥，當時唔知劉生有影裸照習慣，自己亦冇影過或被邀影裸照，劉生出事後我亦冇慰問佢，呢個時候出少句聲當幫忙。」他表示清者自清，亦從未有人對其性取向有興趣及好奇。

遭樂易玲嚴重告誡

翟威廉原定昨午出席《戀愛季節》記招，但最終潛水，反而羅仲謙與吳業坤就有出席。無綫外事部副總監曾醒明指翟威廉因為要見製作資源部總監樂易玲才缺席，他表示：「整件事同『巨聲幫』無關，翟威廉話啲相係兩年前（影），嗰時佢啱啱當選香港先生，Hanson（劉定成契仔）同佢係波友，所以幫佢搞咗個祝捷派對。」曾醒明又指翟威廉透過Hanson認識劉定成，曾幫對方找樂譜及作日、韓文翻譯，他還透露樂小姐嚴重告誡翟威廉：「樂小姐嚴重告誡佢以後要重視形象，佢亦向樂小姐承諾會努力工作，佢依家都甚少見Hanson同劉定成。」

羅仲謙封口不談此事。

有份參與派對的吳業坤強調自己好「直」。

吳業坤愛女人唔啱傾

翟威廉事後接受電話訪問，直言不欲多談事件：「呢個時期都係低調啲好，我唔想多解釋，根本唔係事實。當然我有唔開心，呢件事對我傷害好大，因為唔單止影響我，係影響埋成個幫我嘅團隊。」

至於被指出席派對的吳業坤，亦承認派對上有人介紹劉定成給他認識，但他沒有拍過任何照片：「我咁嘅身材點影呀？」他又謂劉定成沒有着他試鏡，強調自己愛女人：「佢有攞我電話，打嚟閒聊，但我都唔想同佢傾，話題唔啱。」至於曾助查的羅仲謙，則表示現階段不便說太多，又指不知劉定成已被判罪。

文：影視組