連詩雅（Shiga）跟曲赤的舌戰相離奇曝光外，組合農夫成員陸永的23歲老婆Rainah亦是受害人之一，昨日陸永接受電話訪問時力撐老婆：「啲相係幾年前影，大家唔好攪亂時序，好多人誤會我老婆偷食，其實當時我仲未識老婆。」
曲赤前日向本報直認跟當年16歲的Shiga有性關係，問會否教壞年輕人？陸永說：「如果過咗法定年齡，發相呢個影響仲大。」對於曲赤謂唔知相片點解流出，陸永不屑的說：「依家所有相都話唔知點解，唔負責任又無可奈何！」
曲赤出碟計劃擱置會否覺得罪有應得？陸永語帶譏諷說：「本來無一物，如果想頭炮出碟，應該做好音樂先，唔好出封面。」對於有網友嘲曲赤rap歌唔掂，陸永笑說：「彈佢嘅人好叻，見識好廣，我唔評論佢作品，大家風格唔同。」