汪圓圓心急：生夠4個

前晚著名時裝設計師何國鉦（Dorian）在酒店搞派對慶祝41歲生日，並以螢光色為派對服飾主題，邀請了多位圈中好友參加，包括甄子丹姨仔兼模特兒汪圓圓、江若琳、莊思敏、莊思明、陳煒等，而每位靚女也悉心打扮示人。當中圓圓以一身迷人pink lady現身，談及早前「未來老爺」玩具大王蔡志明表示恨飲新抱茶，她一臉害羞回應：「睇報紙先知，uncle好鍾意講笑，隨緣啦！我唔反對早結婚，但想專注工作先，Carson（男友蔡加讚）工作都忙。」她坦言喜歡小朋友：「希望有四個，兩男兩女，（幾時有？）我比較傳統，要結婚之後先有，（拍幾耐拖先結？）唔會太耐，想保持新鮮感。」至於何時結婚，她即甜笑指與加讚商量。

思敏撐思明

而江若琳以超短熱褲示人，問她會否怕走光？她即謂鄭融早前拍MV走光很慘，然後自言是「打底王」：「未試過，至少兩層，好安全。」至於莊思明被問到前男友陳司翰早前被拍下「貓樣」時，她決絕回應：「上次講咗唔會答，今次都一樣。（覺得陳慧琳撐細佬？）正常，家姐撐細佬。」在旁的姐姐莊思敏即搭嘴：「我都好撐佢一樣。」

蔡志明（左）、蔡加讚	江若琳自封「打底王」，表示從未失手。	莊思敏（左）表明撐行妹妹莊思明。

41歲的壽星仔Dorian透露生日願望是希望經濟好，問為何不邀好友徐子淇出席派對，他說：「咁多人喺度，唔嚟啦！」他透露將推出後生女路線的系列，並於8月舉行大型婚紗展：「物色緊model，（子淇夠台型？）我要啲未結婚嘅。」

文：名人組