徐子珊變徐子淇 讚靚補鑊

【呂詠雯上海直擊】無綫藝人徐子珊前晚在上海出席一酒商舉行的活動，席間更被首次相遇的台灣藝人何潤東誤以為她是千億新抱「徐子淇」，更以很有錢的人的太太來形容她，及後經記者提醒才知認錯人的何潤東，之後於台上為怕再度叫錯名，只以「香港嚟嘅朋友」來稱呼子珊。子珊對於此「美麗的誤會」大方表示：「冇所謂啦，我只係覺得好好笑！」

否認撻着眼科醫生

身形弗爆的子珊谷胸上陣，她透露最近積極keep fit拍廣告，不過卻因減肥過度而差點於拍攝期間暈倒，令她覺悟到減肥要適得其法。

徐子淇	（左起）熊黛林、何潤東及徐子珊各以盛裝打扮到場。

對於早前被指與眼科醫生謝偉業「撻着」，子珊澄清對方只是朋友：「佢唔係圈中人，唔想講太多影響到佢屋企，多謝大家關心！」又指自己現時以事業為重，亦工作不斷，拍攝無綫劇集《雷霆掃毒》後，又拍廣告又拍電影，馬不停蹄：「嚟上海前嗰晚拍電影拍到凌晨3點幾，之後朝早8點又上機喇！」

同場的何潤東則為活動擔任表演嘉賓，他對於錯認子珊大感抱歉：「我混淆咗，真係唔好意思！」問到他似乎對同場的子珊不敢加以注目禮？他即「補飛」大讚子珊：「佢係香港小姐嚟架嘛，咁靚女！」同時何潤東又透露已完成內地劇《楚漢》長達7個多月的拍攝，為了是次劇集，他更推掉包括電影、劇集及登台騷等共千萬港幣酬勞的工作，認真「大犧牲」！他透露將會回台灣稍作休息，跟爸爸學打高爾夫球，似乎希望盡量爭取時間陪伴家人，甚有孝心。