離婚原因 長年嗌交 緣盡「完」婚
四哥透露當年跟拉姑離婚，子女反應一致，四哥：「因為成日見我哋嗌交，拉姑問佢哋：『喂，我同你老竇復合好唔好呀？』佢哋話：『唔好啦啩？』性格唔啱真係好難相處，成日嗌交，到50歲之後就躁呀，可能佢係更年期，我呢就開始更期年哈哈。大家緣分完咗，咪『完婚』囉。」
如今拉姑已再婚，現任丈夫是鬍鬚Kong，與四哥亦保持友好關係，四哥說：「佢哋結婚前，拉姑已經帶過佢出嚟，拉姑嫁佢我梗係放心啦，拉姑咁叻，如果衰過我嘅，佢點會揀呀？」
拉姑還踢爆四哥曾以帶霆鋒去日本學藝為名，實情跟拉姑的好姊妹同行，此事令她傷心欲絕，四哥解釋：「當時已經離婚，係帶個仔去嘛，期間撞到佢朋友唔奇，都咁耐囉，唔記得啦！」