Mia床戰陳偉成激到抽筋

電影《喜愛夜蒲2》前晚在沙田一間酒店拍攝泳池戲，眾水着女星鬥「峰」騷，當中模媽Mia（陳靜儀）以三點式Top上陣最「胸」湧，相反主角連詩雅及劉羽琦密實欠睇頭。同場其他女演員亦出招搶鏡，日模松岡李那以泳衣打底外披透視黑布，並在池邊High爆彈跳，E Cup鍾蕙芝（Lavina）及馮鎵瀠（Naomi）索性跳落水。

「唔啱嘴形」

Mia表示與Avis有不少激情戲，但以美感為主：「起初好緊張，但導演（錢國偉）播Sexy音樂同飲啲酒令心情放啲，我哋有好多床上甫士。（拍到抽筋？）有呀！我着T-back要就機位。」Avis則笑言拍床戲攰過拍打戲，問到有否向娜姐備案？他說：「佢好忙，冇時間詳細講。」Mia笑言咀過Avis後覺得「唔啱嘴形」。

鍾蕙芝濕身射導彈。	關楚耀輕攬連詩雅纖腰。	松岡李那（左起）、劉羽琦、錢國偉、連詩雅及張暖雅合照。

至於連詩雅（Shiga）則與關楚耀不乏激情戲，Shiga表示第一日即拍咀戲難免尷尬，幸有相關經驗：「秘訣係要鍾意對手，有觸電感覺先投入。（抽離未？）未拍晒，喺浴室淋住水錫嘅戲未拍，相信好浪漫。」

文：影視組