林嘉欣拒做怪獸家長
林嘉欣、卓韻芝等昨日出席咖啡活動，嘉欣透露早前帶十九個月大的囡囡到數間幼兒園面試，但最終決定留待明年才入讀幼稚園。她笑言：「返學嘅話，唔只佢辛苦，我都辛苦！（有冇畀佢學嘢？）我有同佢上親子興趣班，佢好活躍，鍾意踢足球、游水。等佢可以消耗多啲能量，早啲瞓。不過我唔係怪獸家長或者直升機家長！」
嘉欣表示現今親力親為湊囡囡，故暫不打算接拍電影，會待女兒正式上學後才再考慮，但卻強調不考慮與女兒母女檔上陣拍攝電影或廣告。她並坦言希望追生小孩，但嘆謂：「不過唔係話想要就有，要放鬆心情。（有冇請教人哋生仔偏方？）呢啲嘢自己閂埋門就得，順其自然啦！」
