Alexander Wang 自家貨齊 要乜有乜
美國著名華裔設計師Alexander Wang昨日訪港，出席大型時裝連鎖店JOYCE活動。近年主攻亞洲市場的他，更在北京、上海、新加坡、首爾、東京等地開設十四間專門店，對於自己的時裝品牌能凱旋返回家鄉，他坦言感到分外興奮。問到他對中國人的打扮有何看法？他表示：「近年中國時裝市場發展同改變咗好多，每個人都有自己嘅特色。（進攻中國市場遇到最大嘅挑戰？）最難係要了解佢哋嘅購物模式，同埋要喺創作上有自我風格。」
平日忙得不可開交的他，坦言每天工作十數小時，但亦會忙裏偷閒欣賞電影。問到他會否親身濕平或於網上購物？他笑言：「我都會上網睇吓，不過好少買，因為我想要嘅嘢，我品牌都有。」談到未來工作大計，他表示剛推出男裝袋系列，稍後並打算推出男裝鞋履。