婷婷爆四哥 call錯女晒溫柔
四哥謝賢外表精明，但原來極為烏龍，昨日婷婷踢爆四哥試過打電話給拉姑，仲以為係自己女友CoCo，又有次婷婷接聽四哥的來電，竟傳來一把溫柔的冧女聲，原來四哥誤當婷婷是女友，並大呼寶貝。
謝婷婷昨日與古天樂齊以代言人身份出席Samsung活動。婷婷透露哥哥霆鋒去年送了一部65吋大電視給她作生日禮物，她說：「我哋屋企好多人都打機，部電視可以畀我同Andy（男友安志杰）打機，有時又可以叫兩個小朋友（姪兒）上嚟睇電視同打機。」又表示早前送了一部大顯示屏的手機給父親謝賢（四哥），因父親眼花，她還大爆父親試過打錯電話給母親狄波拉卻以為打了給女友CoCo，她說：「爹哋全程都係『唔唔』咁聲好溫柔，佢都試過打電話畀我以為打咗畀CoCo，我會同佢講話唔該唔好變聲，把聲好似佢以前60年代啲戲咁，之後佢會即刻變番好cool咁話黐咗，邊有呀！（咁佢會叫錯你做咩？）叫我寶貝。」婷婷謂男友Andy也會叫她寶貝。
趁女友外出打機
另外，昨日出席另一活動的Andy被問到女友婷婷與TB朋友夜蒲一事，他說：「我之前喺深圳拍戲，返嚟之後留喺屋企休息，所以冇陪婷婷出去。我唔介意婷婷同TB朋友夜蒲，因為佢會講我知。」Andy更笑言自己會趁婷婷外出，留在家中打機。至於兩人何時結婚？他坦言有計劃但不肯透露，自己亦時常夢到跟婷婷求婚。他又表示拍戲過程中不時會受傷，早前更不小心踢到甄子丹的頭，令他感到非常不好意思。
古天樂買重保險
而古天樂就透露稍後將會與劉青雲拍一部有關消防員的電影，曾拍攝有關消防員電視劇的他坦言在火場十分危險，故一定會買重保險。對於有新聞指一名音樂人涉嫌強姦一名女藝人，古仔說：「唔知呢件事。（你以前入錄音室有冇聽過類似事件？）我一入錄音室就頭都大埋，咩都聽唔到。」
文：名人組