羽翹同化妝品撞名
藝人羽翹名字特別，昨日她出席活動時透露名字被「盜用」：「有日行過化妝品公司，見到有隻『羽翹睫毛液』，寫法同我個名一樣，不過佢意思係羽毛翹起，我睇完覺得要將自己個名註冊。」她又談到自己的網上化妝品生意不錯：「生意好好呀，三、四個星期已經回本。（開地舖？）有諗過，但租金太貴。」
對於早前她表示希望三十歲前結婚生子，但男友羅力威竟謂不關他的事？她說：「唔緊要，呢啲只係我個人嘅想法，（唔認你？）冇乜所謂，（佢啲fans鬧你？）唔介意，人哋點諗控制唔到，而且係人之常情，好似我鍾意周杰倫，聽見佢啲緋聞都鬧啦，我最關心係自己fans嘅感受！」