琦琦投資百萬做老闆
名模琦琦早前獲同是模特兒的好友Lisa S.力邀，合資搞潮流飾物網站，琦琦對此大感興趣，兩人一拍即合，並以「魅力姿飾」命名。
琦琦投資七位數字榮升做老闆，她開心地說：「一直都有好多朋友搵我做生意，但覺得唔啱時間，之前忙照顧囡囡，放咗好多時間喺囡囡身上，依家佢樣樣都上軌道，覺得可以做番啲自己想做嘅嘢，我同Lisa一向都好傾得埋，而且覺得佢好有生意頭腦，搞網站覺得有發揮，而且我會親自設計飾物，可發揮自己長處，又唔會花好多時間，囡囡及家庭當然仍係最重要。（老公任達華支唔支持？）我當然會問過佢先做，如果佢唔鍾意就唔做，佢都好睇好網上購物。」
