薛凱琪自嘲無料 拒露肉謝票
入行八年終於擁有個人第一個演唱會的薛凱琪（Fiona），兩場門票在三小時內火速售罄，唱片公司邀得多位重量級人馬為Fiona打造處女個唱，而自嘲沒有身材的她拒穿得性感，怕會嚇親觀眾。
Fiona昨日為其七月在紅館舉行的兩場《Filicious Fiona in concert 2012》舉行記者會，唱片公司為她悉心布置會場，以氣球砌出「f」字，又有棉花糖、雪糕車，穿上吊帶露背長裙的Fiona大晒骨感美，會上主辦商即席宣布昨晨兩場演唱會門票在一百八十分鐘內售罄，令Fiona驚喜萬分，她說：「好感動，（再加場？）都希望，但知紅館個期好爆，公司去傾緊，或者開part2。」昨日網上已經有她的炒飛出現，有人將她的平價飛炒高兩、三倍。
唔敢性感
Fiona的演唱會宣傳海報穿上由Tomas Chan為她度身訂造的泡泡裙，個唱上她可會有更激的衣着？她笑說：「深信性感唔係我路線。」自嘲沒有身材的Fiona笑說；「要有咁嘅身材先行嗰種路線，萬一有乜意外，有嘢畀人睇吓，我冇嘢畀人睇咪嚇親觀眾。」她笑言Tomas為她設計的服飾總是好奇怪，穿上身她似成個藝術品。
勁舞演出
今次演唱會唱片公司為她重本邀得幾位大師級人馬跟她合作，包括在廣告界響噹噹的創作總監朱祖兒、演唱會總監Fran9，Fiona表示很開心這班大師答應幫手，而在演唱會上她更會有突破性的勁舞演出，她表示：「我真係練得好辛苦。」演唱會嘉賓可會邀緋聞男友房祖名？她說：「真係唔講得有咩嘉賓住，希望畀觀眾驚喜。」
文：音樂組