熊黛林認收城城3卡鑽戒

近日盛傳熊黛林因父患病，下月將與緋聞男友郭富城拉埋天窗沖喜。昨日她聯同鄭中基、林峯、吳千語、毛舜筠、黃百鳴等出席電影《男人如衣服》的開鏡禮，對於下個月結婚的傳聞，她說：「呢幾年都傳咗幾次啦，邊有咁快！（四年後？）咁耐呀？總之唔係今年囉。」

「佢送咩都開心」

記者追問會否在明年披婚紗？熊黛林嬌羞忸怩說：「呢個要問佢，我只知我今年唔會，咁趕！（澳洲註冊？）又唔係，個Timing未到。」對於男友是否已求婚？她想了一會說：「唔好問我，總之結婚一定同大家講。」早前被拍到手戴三卡鑽石戒指，熊黛林不諱言是城城所贈，她說：「你哋又知三卡？（幾好火喎。）咁都睇到？女仔都鍾意戒指o架啦。（城城送？）係呀！（鍾意？）佢送咩都好啦，送咩都開心。」至於是否已收求婚戒指，她又想了一會說：「唔講嘞，如果真係有一日嫁得出一定講。唔好講得咁早，到時有咩變化唔知點算。」

郭富城與楊采妮近日積極宣傳新片，日前接受黎芷珊訪問。	吳千語清純形象甚有觀眾緣。	鄭中基（左）、吳千語、黃百鳴、毛舜筠、熊黛林及林峯出席新片開鏡禮。

熊黛林不欲多談父親是否患病，亦表示不會因父親身體狀況而提早結婚，她說：「父母都想我幸福，如果逼自己快啲嫁，唔幸福佢哋都唔開心。」

派定心丸

另外，郭富城與楊采妮於新片《浮城》中飾演夫妻，城城於戲中「素顏」示人，他又表示拍攝過程體會珍惜身邊所有人，似向女友熊黛林隔空派定心丸。楊采妮亦特意把一頭短髮駁長。

文：影視組