蔡恩真引爆韓風 未愛先婚
韓模蔡恩真（EJ）除了幕前工作外，最近更計劃與友人合資做拍婚紗照的生意，早前她返回家鄉十天，更拍下一大堆婚紗照親自做生招牌。另她又透露與四個男仔食飯，但冇一個能撻着。
近日娛樂圈喜事重重，不少女星趕住出閣，蔡恩真見新人對婚紗照要求愈來愈高，加上香港勁吹韓國風，來自韓國的她腦筋急轉彎，立即與友人密謀在港發展到韓國拍婚紗旅行照的生意，故今次她返韓國探親之餘，更特地去視察環境，兼影了多輯婚紗照，以作店舖宣傳之用。
影婚照做生招牌
蔡恩真滿腹大計表示：「我見好多香港人都好鍾意去台灣旅行，順便影埋婚紗相。而且韓國係我地頭，我可以因應客人嘅budget，度身訂造行程。而且我又識一些做化妝、婚紗、影相嘅朋友，好有信心可以做得好。」
工作忙無暇拍拖
問到剛拍完婚照的她，會否勾起她結婚的欲望？她笑言因工作關係，不時要穿婚紗，但自己亦一直對婚姻充滿憧憬！不過她自爆身邊友人更着急，爭相介紹男生給她認識，可惜暫時未有一個能夠撻着愛火，蔡恩真說：「我今次返去，同咗四個男仔食飯，雖然佢哋個個嘅條件都好好，不過我哋冇化學作用，想急都急唔嚟。」由於近日她為籌備生意之事忙個不停，故此根本無時間想拍拖之事，既然緣分未到，她也不想浪費時間。
文：名人組