懶理被指做小三 滕麗名風騷：總之開心啦
滕麗名早前被指與有「正印」的男子Matthew拍拖，最近二人同遊日本，原本「小三」的身份的她明顯將「正印」踢走，春風滿面的阿滕前晚在劇集《結‧分@謊情式》結局暨母親節飯局中嘲笑自己是該周刊的VIP：「我覺得幾有追看性，如果佢銷到紙要多謝我。（話你小三？）冇法，我唔明點解明明係好事都講到唔好？」
已見雙方家長
張兆輝、滕麗名、林夏薇和一眾《結》劇演員前晚一起到酒樓歡度母親節兼收看劇集大結局，阿滕被問到Matthew是否其男友時，她玄妙說：「你話係咪係囉……繼續影到就係，影唔到就唔係！不過，如果話係都幾麻煩，因為佢始終都係圈外人。（感情穩定？）我都未話認……總之開心啦。」適逢前晚母親節，問到新男友有否和母親飯聚？阿滕即甜笑否認自己有新男友，繼續將話題「遊花園」，說自己的朋友，無論男或女都互相見過家人包括雙方家長，記者直接問她對男友家人的印象如何，她笑說：「我對佢（Matthew）印象OK……（家人）都OK，冇問題。」
張兆輝約滿無綫
同場的張兆輝與無綫合約隨《結》劇完結，會否續約則要再看細節才決定。剛完成電影拍攝的輝仔稱要稍作休息，再操fit應付將來的工作。而林夏薇早前被影到與一名中年男士逛街，她笑稱媽媽看後覺得好笑：「嗰個係我家庭風水師，佢由北京落嚟，我一盡地主之宜！（追你？）梗係冇啦，（擺姻緣陣？）唔係，隨緣啦，係都事業先。」
文：影視組