王敏德high爆 亂踩名車唔知價

王敏德（Michael）昨日為遊艇會活動擔任嘉賓，又唱又跳之餘，還與兩位女舞蹈員跳辣身舞。Michael表現得非常興奮，更當眾跳上價值1,800萬元、全球只有77部的限量名車上。受訪時記者笑指他弄髒名車，他即搞笑地取出手帕抹走鞋印，並說：「唔知咁貴，頭先表演要有啲動作，企上架車度老闆都做手勢叫我落番嚟。」表演尾聲時更與女舞蹈員親吻，問會否怕老婆呷醋？他竟表示忘記有親吻：「我唔記得有kiss，太開心喇！不過老婆知我係做嘢。老闆好好，得閒會借架遊艇畀我同啲女玩，（邊啲女？）我兩個囡囡，我廣東話唔好嘛！」