JPG攬錫Andrej 當正女神

【陳曉鉉北京直擊】時裝界「頑童」Jean Paul Gaultier前晚在京舉行首個時裝騷，吸引不少名人捧場，包括薛芷倫（Fanny）、任達華及太太琦琦、中國女星黃奕、歌手李宇春等。期間模特兒分別示範60套服飾，Gaultier近年新寵「雌雄莫辨」的澳洲男模Andrej Pejic亦有行騷，完騷後兩人又攬又錫，表現熱情，Gaultier笑言對方有意進軍主持界，又指若Anderj懂唱歌，會為他度身打造MV。Gaultier又指首次在中國舉行時裝騷感覺很cool，希望日後能移師香港，他笑謂屆時會帶Andrej同行：「佢係我靈感『女』神，就算盲咗都可以畀好多靈感我，大家係互相了解嘅拍檔。」

Andrej Pejic行壓軸，一派「女神」風範。	薛芷倫以半透視裝上陣。	琦琦笑任達華穿開衩長裙露腿似安祖蓮娜。

對小朋友係好事

而身穿透視裝性感亮相的Fanny，談到鋒芝盛傳復合，身為過來人的她即感觸謂：「家家有本難唸的經，復合對小朋友係好事，原諒係好容易，但忘記對方點對你唔好就好難，要重新再去愛又係好高層次。（你呢？）我同馬清偉先生有好多唔同層次，不過環觀娛樂名人圈，好似都未有人離完婚再復合，睇吓邊個做到呢樣嘢先。」Fanny又指不覺離婚後再復合很兒戲，最重要想法清晰：「究竟係唔可以忘記舊嗰個至冇新對象，定係仲未搵到新嗰個至忘記唔到舊嗰個呢？」

同場的任達華穿開衩長裙上陣，太太琦琦則作中性打扮，即將開拍電影《警長》的華哥，表示未有向曾任職警隊的哥哥取經：「我都有好多警察朋友，想快啲拍完然後趕去睇奧運開幕禮。」