徐天佑莊思敏奧運四方城
四年一度的奧運會即將在倫敦舉行，對於愛好運動的朋友來說，可謂等到頸都長！如果在奧運既定的運動項目中，加入一些新項目，一班藝人名人又會想加入甚麼呢？徐天佑與莊思敏不約以同想將打麻雀列入奧運項目，莊思敏更表示最高紀錄連續「比賽」了30小時，體力驚人！
《生日派對》
莊思敏 持久搏殺「竹戰，即係打麻雀。打牌唔單止考腦力，都要有好好嘅體力。我最高紀錄試過連續打30個鐘！」
《連卡佛 × Nicopanda Pop-up store開幕派對》
徐濠縈 兒童賽事「不如搞兒童奧運，但唔會叫包包（陳康堤）參加啦，佢唔似我，冇運動細胞，反而遺傳咗Eason嘅藝術天分鍾意唱歌。」
《AAPE BY A BATHING APG®APM》
Shine 打牌食包 徐天佑（右）：「打麻雀啦，曾經係唔係有人想加打麻雀入奧運？幾好玩囉。」 黃又南（左）：「大胃王食麵包比賽，然後仲要一邊飲水，當然要有醫生在場啦。」
農夫 冥想鬥富 陸永（右）：「加入冥想囉，大家鬥耐力，收視一定高！考吓人嘅意志力。」 C君（左）：「大富翁比賽囉，有益身心，鼓勵大家用吓腦力。」
李治廷 跑賽車場「喺F4賽車場跑一個圈囉，自己好鍾意賽車，又試過同人喺賽車場度跑。」
《廣告拍攝日》
陳靜儀（Mia）極速上妝「鬥快化妝，因為自己化妝好慢，平日都要花兩個鐘先出得街。所以好想睇人哋點化，吸收吓經驗。」
《「傳．心．願」籌款活動》
陳倩揚 ＢＢ爬行「加入ＢＢ爬行賽，令小朋友都有機會參與，可以擴大觀眾同參賽者層面。」
《開幕活動》
文詠珊 優雅溜冰「我想加入溜冰呀！覺得女仔溜冰好優雅好靚，佢都係運動一種，又高難度。」
余文樂 激烈泰拳「加入泰拳囉，自己鍾意玩泰拳，係好刺激嘅遊戲，我都有練過架，但覺得都危險，自己唔敢打。」