劉倩婷未做人妻 先嗌奶奶

前港姐冠軍劉倩婷（Sandy）與未婚夫、堪輿學家李丞責昨日情侶檔出席活動，二人以涼茶代酒上演一幕「合巹交杯」。Sandy透露：「母親節會同奶奶食飯慶祝！（仲未過門喎！）咁係未來奶奶，哈哈！」問到會送甚麼母親節禮物給未來奶奶？李丞責搶答：「會送靈芝，我仲會親自買餸煮飯！」Sandy自爆廚藝一般，未來老公即甜蜜回應：「老婆係畀我錫，唔係要佢煮飯，佢係做啲我做唔到嘅嘢！（要佢生BB？）係呀！仲有餵奶，同埋孝順奶奶！」