吳浩康醉酒爆粗感內疚

記者昨致電作出了解，Deep直認曾爆粗：「尋晚我老闆開酒吧，飲high咗。我走嗰陣我驚自己唔掂，有搵fans陪我搭的士返屋企，嗰刻我好wing，講嘢唔清楚，司機曾經去錯地方。」

同的士司機起衝突

Deep續說：「其實當時我斷晒片，之後問番fans，佢話我當時態度係惡劣，個司機都有啲躁底，之後司機問我幾時出碟，我以為佢潤我，就爆粗話：『關你×事』。到我落車，個司機就同我講：『吳浩康！你死×梗。』」但Deep否認有當街小便。

Deep自知闖禍直認感內疚，承諾會努力提升自制能力：「我都覺得自己好失禮。」當得悉闖禍後他已第一時間向公司備案「自首」。