基仔搞時裝 冚大陸老翻

英皇集團老闆楊受成投資的酒廊「Faces Music Lounge」，前晚正式開幕，不少圈中名人包括成龍、謝賢、林建名、陳百祥夫婦和張家輝等到賀，旗下藝人古巨基、陳偉霆（William）、鍾舒漫、張致恒和洪卓立等紛紛撐場，星光熠熠，一姐容祖兒因開騷而未能出席。

大嘆租金貴

經營時裝生意同屬老闆級的基仔表示，近年租金上升，對經營生意有影響：「我哋係小老闆做小生意，近來租金真係好貴，希望業主們可以體諒吓。（楊生名下有不少物業，何不向楊生求助？）老闆啲舖太大太靚喇，我未有能力租到。」

容祖兒因為要開騷，未能親賀楊受成。

群星到賀，陣容浩大。

雖然租金昂貴，基仔慶幸時裝生意發展尚算順利：「依家自家品牌已經喺日本同法國有得賣，遲啲希望可以進軍內地市場。」不過內地網站已有品牌的翻版服飾出售，基仔直認唔知好嬲定好笑：「心情好矛盾，希望盡快可以將品牌引入內地。」

祖兒病住唱

因開騷未能到賀的祖兒，在音樂會上又唱又跳，原來她是帶病上陣：「醫生話我患流感，都擔心應付唔到，好彩最後都完成演出。」至於近日忙於為電影《紮職》開工的William，透露拍攝時經常要被打，更因淋雨戲導致病到要入急症室求診：「不過我唔覺得辛苦，相比師兄霆鋒，我只係起步階段。」

文：音樂組