顏卓靈拎塊面做實驗
18歲影壇新人顏卓靈（Cherry）早前拍攝去疤產品廣告，示範錯誤方法去暗瘡印，包括聽從網友意見敷檸檬蛋白Mask，結果她噏住十數分鐘後「冇瘡變有瘡」，認真大犧牲！另她又化身四眼博士以乾冰做實驗搞到煙霧瀰漫，但見她外形搞笑多於專業。
正值青春期的Cherry直言有暗瘡煩惱，「重災區」是額頭，因此以招牌冬菇頭髮型掩蓋：「之前考試匿喺屋企就箍起啲頭髮，其實我主要係壓力瘡，心情好嘅時候都會滑啲。（有咩改善皮膚秘訣？）Keep住開心，其次係食嘢清啲多飲水。」Cherry回想曾因皮膚敏感而險失Job，當時臉部又腫又出紅粒，幸廣告客戶沒有嫌棄，最後面腫腫死頂上陣。
