曹震豪約「新人」開騷
同是去年新人的曹震豪（Wallis）與譚晴今年打算與一大班去年樂壇戰友搞個crossover演唱會，想預先在暑假搞三至四場演唱會，他們說：「其實上年好難得成班新人好friend，有日一齊玩開先話不如試吓一齊搞個音樂會！」於是大家積極聯絡各大唱片公司，二人指去年情侶檔新人麥貝夷與鍾一憲、迪子等人已經一口答應，問到大家的「飲歌」﹖他們不約而同即場邊彈邊唱：「許廷鏗嘅《螞蟻》！個個上到嚟都必唱！最緊要隨時有人幫你伴奏，想唱乜歌都得！」
近日Wallis繼續自資出碟，坦言自與唱片公司解約後，一手包辦作曲，有林敏驄與方皓玟幫手填詞：「自資最煩的確係宣傳，但起碼成隻碟可以自己揸主意！呢種感覺先最正！」