李璨琛赴日為釣心頭好

璨琛又透露上月與好友到日本三宅島釣黑毛魚：「我哋要喺東京坐成七個鐘頭船先去到，嗰度盛產黑毛魚，我哋特登去釣。不過釣黑毛魚有季節性，我哋去到已經係尾聲，純粹碰吓運氣。」璨琛又指女友曾試過跟他一起磯釣，不過卻大呻辛苦：「佢話又曬又辛苦又污糟，因為磯釣要凌晨四、五點就出發。」他坦言磯釣危險性大，安全裝備十分重要。