洪卓立唔做書生 行蠱惑

英皇男歌手洪卓立（Ken）常以青靚白淨書生Look示人，故在新專輯《Grown Up》中，他就作出突破，化身「蠱惑Ken」，扣少兩粒恤衫鈕兼在心口寫上英文字，當堂Man到爆，擺脫了過往斯文孱弱感覺。Ken亦坦言希望盡早搣甩「病態」感覺，他說：「其實形象對我嚟講唔係最主要，歌曲好聽先係主打，但我都唔想外界將我斯文形象同病掛鈎，亦唔想拍戲時，只局限演斯文同病人角色。」

唔恨拍拖

對於新專輯反應理想，令Ken大為鼓舞：「呢張專輯我真係好滿意，因為參與多咗，亦有自己作品，所以投入好多，當然仍有進步空間，我好緊張外界睇法，好彩反應都算唔錯，冇令公司失望。」

Ken的歌曲大受歡迎，令他放下心頭大石。

Ken新碟成績理想，獲吳雨送贈獎盃形蛋糕。

Ken最拿手演繹抒情歌曲，談到對感情看法時，Ken表示自己「記性差」，故對感情事容易放得低，他說：「唔會刻意諗番以前嘅嘢，過去咗就過去咗。（成長咗？）心態上唔同咗，尤其係對家人，依家更加顧家。（愛情觀呢？）愛情觀反而冇乜點變，有就有、冇就冇，隨緣，由細到大都係咁，唔會話好恨拍拖。」

文：專案組

採訪：戶冊平 攝影：黃叔榮

化妝：Sherman Fung@LOVE COSME MAKE UP

髮型：La Mod 場地：TABLE 18@apm