闗禮傑百萬辣跑氹老婆
無綫藝人關禮傑愛妻心切，老婆Anna生日即豪送百萬「波子」跑車，日前夫婦恩愛試車，更駕着新車四出兜風，傑仔笑言待老婆熟習新車性能後，可以接他收工。
關禮傑與太太Anna結婚十多年，向來恩愛，更育有兩女分別為16歲及9歲，傑仔最愛家庭樂，日前記者發現他與老婆和幼女在銅鑼灣逛街，一家三口先到了名店買鞋，然後再轉戰到保時捷陳列室買車，傑仔豪擲過百萬港元揀選跑車，原來是送生日禮物給上月牛一的嬌妻。
試車兜風
傑仔與妻女當日下午到達位於銅鑼灣的車行陳列室，他接過店員的跑車資料介紹後，便詳細詢問對方有關跑車性能，而Anna則四周圍睇車，似乎對保時捷這款跑車的款式很有興趣。
經過大半小時的揀選後，傑仔決定購買價值一百多萬元的Panamera型號，為了讓老婆熟習這款跑車的操控及性能，近日雖忙拍無綫新劇《金枝慾孽（貳）》的傑仔，後還額外抽空與Anna試車，四出兜風，當然全程由Anna擔任駕駛者，體會這部超級跑車馳騁路上之樂趣。
多陪妻女
傑仔事後接受電話訪問，他表示年年都會為老婆慶祝生日：「之前已經去咗曼谷旅行，今年特別啲，送車畀老婆係想佢開心吓，因為我之前為工作成日唔喺香港，依家簽番無綫拍劇，多啲時間同老婆、兩個女相處吓！（送車當補償？）唔好咁講！我怕佢揸唔慣咁快嘅車，所以我抽時間陪佢試車，我傍住佢揸，等佢習慣吓，之後我開工，老婆都可以嚟接我！」
文、攝：影視組