廖碧兒闊面福氣 老闆流口水
廖碧兒昨日出席活動時否認打了Botox才可以開劇，又指面闊是有福氣，而老闆王維基則讚她靚到流晒口水。
廖碧兒（Bernice）、梁小冰、林嘉華、蔡穎恩、關楚耀、陳柏宇等昨出席城巿電訊的劇集晒冷記者會，廖碧兒將拍攝音樂歌舞劇《童話戀曲201314》，現正開始排舞。對於之前有指公司要求打Botox瘦面，才開劇給她拍，Bernice說：「冇人叫過我，（上鏡闊啲喎！）有福氣嘛！唔係咪人人一樣囉，希望觀眾留意戲入面嘅我。」
梁小冰恨背全裸
之後城電主席王維基在旁經過，記者即問他有否要求Bernice打Botox時，王維基謂：「梗係冇啦！我淨係叫佢教我飲紅酒，邊間寫㗎！我叫個記者去打！（覺得佢唔需要？）已經靚到流晒口水，梗係唔使啦！我就需要。」
而梁小冰於驚慄劇《驚異世紀》中演九個角色，由18歲演到80歲，當中有一場與周俊偉的床上戲。問老公陳嘉輝會否介意，她說：「我諗過記者嗰關難過過屋企人嗰關，因為場口要一路咀一路剝，我有睇番《出軌的女人》參考陳偉霆。」小冰又指有問過時下女生一剝是否就是bra，更向導演指她可背部全裸，大讚自己背脊及腰都靚。
此外，對於發牌一事，王維基謂：「都OK晒，反而唔想佢咁快出，想拍定多啲劇先。」
文：影視組