高鈞賢右髀受唔住扯斷筋
前香港先生冠軍高鈞賢（Matthew）醉爆夜店被女生坐大髀，Matthew稱當時不清醒而不知情，事隔一日，他前晚出戰籃球賽時右腳受傷送院，Matthew昨日在電話中表示受傷的右腳可能斷筋需要動手術，目前仍在留院。Matthew的腿經女生坐後，可謂多災多難！
焗停新劇養傷
Matthew與前香港先生陳志健（Otto）及多位圈外人球員組成的籃球隊Steps，前晚應邀出席公開比賽。Matthew於賽事中疑因右腳用力過度受傷，當時他感到腿部肌肉撕裂，送到醫院作初步檢查後，發現可能腳筋斷裂。Matthew昨在電話中說：「右腳小腿筋斷咗，而家要用拐杖行，最快要後日開刀做手術，（比賽時被人撞？）冇人撞，係自己起步時後腳筋位置好似被人踢，即時行唔到，要隊友送入醫院。」由於情況嚴重，Matthew目前仍留院檢查，所演出的無綫新劇《情越海岸線》和《法綱狙擊》都要停拍他的戲份。
Otto昨透過電話表示他當日因為要出席劇集《拳王》慶功而未能參賽，得知Matthew傷腳亦表關心。而同樣於前晚參加籃球比賽的張繼聰，雖不知Matthew受傷，亦關心其傷勢：「我係打第一場，之後入咗去沖涼，佢打第二場，所以佢受傷我唔知，其實打籃球好易受傷，戰況激烈時更加唔會錫身，但佢係我兄弟呀……希望佢早日康復！」
文：影視組