羅仲謙捱熱拍劇狂標油

羅仲謙前晚在中環的大牌檔拍攝新劇《巴不得媽媽》，大熱天時穿上厚厚西裝上陣的他，熱到頻頻抹汗，塊面更焗出一層油，大光燈之下變得「立立令」。謙仔熱到苦口苦面，不用埋位即靜靜地坐在一旁讀劇本抖涼，及至發現記者拍照才懂得笑晒口，舉起V字手勢影相。其實，早前謙仔出席公開活動已透露新劇飾演有錢人，為免太大隻穿西裝不夠靚仔，更刻意開始減肥，前日所見，謙仔身形明顯比前清瘦。