靚靚（目及）實老公防作反
袁詠儀（靚靚） 與張智霖（Chilam）經常一家三口天倫樂，但日前他們撇下囝囝與友人飯局及消夜。但離開之際，Chilam被女途人要求合照，曾揚言有兒子在手不怕老公作反的靚靚，只得睜開金睛火眼（目及）實老公。
靚靚與老公Chilam結婚多年仍極為恩愛，自從誕下兒子張慕童後，靚靚更一直希望為老公追多個囡囡。不過，曾表示有兒子在手便冇有怕的她，雖然暫時未能湊成「好」字，也不擔心老公乘機作反。
日前Chilam難得不用工作，即撇下兒子，與靚靚相約了大班友人前往銅鑼灣晚膳。當晚大約九時許，Chilam駕車接載靚靚到達食店會合友人，眾人談得暢快，直至深夜十二時仍未見離開，反而有友人外賣甜品齊齊食飽後，才於凌晨一時許埋單走人。
傾偈傾到唔願走
眾人離開時，孭着袋的Chilam先行步出，尾隨的靚靚心情依然十分興奮，還與友人雞啄唔斷邊行邊傾，但此時卻有兩名女途人攔截Chilam並與他搭訕，原本與友人傾得投入的靚靚見到老公有女埋身，隨即懶理友人，急步緊隨老公上前（目及）到實。當見到兩女要求與Chilam合照時，她即金睛火眼在旁「監督」，Chilam與fans合照後便與老婆及友人前往街頭取車。期間臨上車的靚靚與友人逐一揮手道別後，轉頭又拉着女友人傾一輪，還要友人開定車門催促她上車才捨得離開。
文、攝：追蹤組