辭演新片惹是非 苟芸慧:下次學精啲

苟芸慧被指狂電電影《喜愛夜蒲2》導演錢國偉,引致女友呷醋,女主角換上連詩雅,令苟姑娘由女主角變為大配角,昨日苟姑娘在電話中坦言因檔期夾不到而不拍,早於個多星期前已於公司傾好專心拍《金枝慾孽貳》,她說:「接呢套戲時公司已話明我係女主角,開鏡時都講晒,不過我一日工都未開過,估唔到畀人寫成咁,下次都學精啲,有乜都即刻出聲。(改演其他角色?)絕對唔會應承囉!等佢開第三集時再考慮啦。」

有份演出《喜》片的媽模Mia(陳靜儀)談及「苟姑娘放電」一事,Mia說:「我都畀佢電到!」前晚她與金剛等為此戲拍外景,Mia說片中有激吻、被抽水戲份,與周秀娜男友Avis更有床戲及咀戲,Avis已先向周秀娜交代。