梁慧恩攰爆錯過洞房
「Roadshow女」梁慧恩（Viann）與林忠澤前晚筵開四十席喜宴，新郎哥拉小提琴伴奏襯托老婆出場，場面溫馨，Viann說：「老公喺台上拉住小提琴，我就由爸爸帶入場，我同老公都係基督徒，簽字除咗多謝父母，都有感謝主。婚宴上爸爸同老爺分別彈琴同吹笛合奏，我同老公就跳舞，又播咗我同老公喺峇里島影婚紗相片段同求婚經過，鮑姐（鮑起靜）話感動，林韋辰都話喊咗三次。」
當晚忙住招呼客人，Viann直言攰爆未有造人，留番蜜月造？她說：「蜜月起碼要等我8月讀埋個環保博士學位，最快出年至有期喎！」