曾兩度隆胸的甄詠珊因腰痛決定「拆彈」，據家庭醫生關嘉美稱，隆胸女士通常會有腰骨痛情況：「日日裝住兩袋水出街，梗係腰骨痛，天然胸嘅女仔就唔會，因為人體會將身材比例計得好準，身形大隻同腰骨粗壯才承受得起咁大個胸，如果好瘦但個胸好大，唔使問通常都係假！」至於若然拆彈後可會變「皺皮波」，關嘉美表示年輕女士通常不會出現此情況，年紀老邁就好難講。