Fiona來電救命 方大同冷靜開解
貴為Fiona知己的方大同獲對方信任程度，從她患抑鬱尋死第一時間向他求救可想而知，淡定的大同接到Fiona嚎哭電話都驚，但他須冷靜去應付，他說：「人人都會有唔開心，尤其呢行壓力好大，對女仔更甚，當時盡量開解佢，但都好小心說話，知佢嗰時好情緒化，可能小小嘢都會敏感。」
個性平和的大同坦言本身壓力都大，但由細到大他對事情處理，習慣以邏輯、分析多於去感受，令人覺得他好恬靜淡然，今日看到Fiona康復過來、思想正面，作為朋友的他很開心，他說：「朋友、家人有啲位可以做嘅、幫嘅都做咗，如果你唔畀人去幫，做啲唔應該做嘅事，係好難架，其實個個都有困難，只係值唔值得投入咁多負面精神，世界各地比自己慘嘅人有更多。」
