「味之天使」腸粉丁樂鍶（丁丁）昨日為婚紗展擔任模特兒，表示第三次行此類型騷，坦言並沒難度：「記得第一次行要落樓梯，條裙又長幾難行。啲人話未結婚着婚紗唔『老利』，但我唔信，哈哈！」談及今次酬勞是否滿意？她尷尬說：「唔差，新經理人幫我接都唔會太低，（轉公司？）簽咗王維基，多啲機會發展。TVB太多人，我青春有限，拍完《甜姐兒》之後就冇嘢做，感覺好似『燉冬菇』。」丁丁又透露五月中試造型拍靈異劇，並指百無禁忌不怕演女鬼。
