Mandy Lieu盛女信緣分

兩位模界靚女Mandy Lieu與林莉、前港姐葉翠翠以及型男古天樂，昨日齊集沙田馬場並以嘉賓身份行騷。三位靚女恰巧同是單身一族，問到Mandy找到男朋友沒有？她鬼馬地說：「冇呀，你驚我嫁唔出呀？介紹吓啦！（識番個馬主？）冇喎。馬主好有錢、好多時間同埋好有愛心，我覺得養馬同養女朋友差唔多。（目標係識馬主男友？）咁又唔係，眼光唔可以咁窄，隨緣啦，冇得勉強。（羨慕熊黛林有馬主男友郭富城？）都好戥佢開心。（但城城矮過佢？）總之年齡高度冇人會介意，最緊要係夾，溝通到。」

翠翠都想參加《盛女》明星版，笑言或有意外收穫。	林莉自爆出現多位追求者，但不包括台模高宇橋。	古天樂與Mandy（右二）、翠翠（右）及林莉齊齊為大會行騷。

唔敢搵婚姻介紹人

而葉翠翠被問到可擔心嫁不出，她說：「又唔係好擔心，不過都想搵個錫自己嘅人。」她又坦言恨拍拖，笑言有朋友把《盛女愛作戰》中那位婚姻介紹人Mei Ling的電話號碼給了她，不過她沒有勇氣致電對方：「我覺得會好尷尬。睇電視見到好似有好多好好質素嘅男士可以介紹。（定個目標幾時搵佢？）呢一、兩年內啦，我信緣分。（如果《盛女》有明星版參唔參加？）都唔介意參加，話唔定有意外收穫。」

同高宇橋只係朋友

而林莉則自爆最近出現了幾位追求者，亦有和他們約會，更稱這個月為month of miracle，其中一位跟她一起欣賞concert，她不排除會再跟對方約會；至於早前被拍到跟她約會的台灣男模高宇橋，她自言從來都沒有考慮過對方，跟對方只是朋友。

同場的古天樂對於有傳杜琪峯罵孫紅雷不專業，古仔說：「冇聽過，係有問孫紅雷意見，因為佢拍過有關公安嘅電影，會熟悉啲。（覺得佢表現專業？）個個都表現專業。」

文：名人組