CoCo寸馬賽 爛面二打六

CoCo和媽咪級o靚模陳靜儀（Mia）、石詠莉等一眾女模昨日出席車行開幕活動，CoCo面對記者追問她與前男友周志文的關係，她猶豫良久才表示是朋友關係。CoCo解說猶豫原因：「我驚佢（周志文）公司唔鍾意，會畀pressure（壓力）佢，所以要小心啲答，（點睇周志文跟馬賽之緋聞？）我唔識馬賽，（睇佢啲戲？）佢響《萬凰之王》入面做嗰個妃子仔呀嘛，同埋佢之前選港姐嗰時係個爛面港姐，（你輸畀佢？）吓！乜我輸咗咩？！我唔知喎！不過有啲嘢唔淨係輸同贏咁簡單。」

Mia疑整尖下巴

以勝利者姿態自居的CoCo坦言目前有拍拖，問到男友是否周志文時則支吾以對，表示不便透露，一再印證CoCo擔心男友公司施壓，而在旁的o靚模韋彤亦認同CoCo是在維護男方：「佢係一個廿四孝女友，對男朋友好好。」

與周志文傳出緋聞的馬賽，被寸是爛面港姐。	石詠莉（左）亦有份出席活動。	Mia對自己的裸體極具信心，認為男仔見到都應有生理反應。

另外，同場的Mia下巴愈來愈尖疑似整容，但她否認：「我呢排出寫真所以瘦咗十幾磅。（淨係個胸唔瘦？）我有keep住做豐胸運動、按摩同埋不停飲木瓜奶。（個鼻又高又直同以前唔同？）化妝技巧好咗，所以個樣都靚咗。」Mia提到即將推出的寫真集已拍攝完畢，她將親自揀宅男做男主角：「男主角可以幫我換衫，我會全裸瞓響佢大髀，不過有嘢遮住三點。」

文：影視組