陳柏宇被「睇蝕」 激嬲女友
已兩年沒出碟的陳柏宇（Jason）失聲後重新出發，昨日於商場舉辦個人專輯簽唱會，獻唱三首主打歌曲時一度唱錯詞，但台下歌迷不斷為偶像打氣。他坦言為求有更佳的舞台效果而開始改變歌唱方法：「想Control得更好，不過改變咗唱法好易攰。（聲帶仲有問題？）好番七八成，最緊要多休息。」
身穿貼身牛仔褲的Jason被發現未拉好褲鏈，他自言在加拿大期間很少穿牛仔褲，不習慣拉拉鏈：「因為以前多數都係着扣鈕褲，後來公司叫我着貼身窄褲，自己30吋腰竟然要着28吋褲，真係太貼身喇！（施誘？）我都有女朋友唔好咁搏啦，佢好嬲我成日畀人『睇蝕』，但我都唔鍾意佢着得太低胸。」