黃耀明認有新歡未立遺囑
黃耀明公開承認是同性戀者後，前晚接受電台同志節目訪問。明哥自爆初戀在中三發生，暗戀對象為並非斷背的男同學：「我係暗戀佢，有次我同佢傾過幾個鐘頭電話，同佢講我喜歡佢，我同佢都係基督徒，搵咗輔導員傾吓偈，（戀火）就咁撲熄咗，知道以後唔可以再講呢件事。」
母子痛哭
明哥透露1990年時有穩定伴侶，故首次跟母親表白性取向，結果母子為此痛哭一場：「媽咪可能會知少少，但佢聽到後好震驚，好唔開心。我同佢講呢啲唔係我同佢嘅錯，我只想過啲開心嘅生活。」
明哥重申「出櫃」不想影響他人，為保護另一半，望傳媒手下留情。他又稱樂於與爭取同性戀者權益的機構合作：「社會對同性戀者存歧視，好似同性戀者未必可將遺產留給另一半，好似就算立遺囑，都可能要同佢啲家人爭。（咁你定咗遺囑？）未到嗰個階段，都係啱啱識。（熱戀中？）唔講呢啲。」