奇裝配辣舞 入場冇得抖
GaGa向以造型奇特及表演出位來出奇制勝，韓國首爾一站已盡顯其渾身解數，圈中一眾GaGa粉絲即作入場參考，直言屆時全程睇足，一刻也不能少！
鄭融：GaGa着黑色魚尾裙高衩嗰part我好欣賞，其實只係睇佢啲衫已經值回票價，就算佢自摸露股嗰啲場面，香港好多歌手都會咁做，所以GaGa嘅大膽程度可以接受。
張馨予：GaGa和我是同月同日生日的，所有歌曲我都喜歡，尤其欣賞她對音樂及工作的瘋狂執着，直到被全世界更多人肯定和追捧，她還是依然與世無爭！
李彩華：每一part都值得睇！但我諗GaGa戴住自由神像頭飾喺浴缸自摸呢部分都好有意義，因為自由神像係代表美國。我諗到時都唔會得閒去洗手間，入到去大家都會跳舞，乜都蒸發晒啦！
王賢誌：GaGa所有部分都好睇，反而我想聽佢講咩，因為佢上次紐約個騷，講咗好多自己點捱嘅經歷，好有啟發同鼓勵性，好有意思。