徐綺雯孕育百萬「龍B」
去年下嫁澳門百億製衣業太子爺、身為澳門孝思永遠墓園後人的名媛徐綺雯（Candy）最近得「龍B」！原來她和老公取得微纖維拭擦布的代理權，實行夫妻檔拍住上做生意，坦言視這門生意猶如骨肉一樣，出心出力！
Candy和鄺姓丈夫投資七位數字取得日本著名微纖維拭擦布的中港澳台四地的代理權，早前並在上海舉行盛大發布會，並邀得六位著名設計師及名模設計款式，其中有「翻版Angelababy」之稱的內地名模李梓言也獲邀設計，並以樹為主題以宣揚環保訊息。
曾言目標今年炮製龍B的Candy，和老公夫妻檔做生意，坦言現在還年輕，一於搵錢至上，造人大計暫時押後！Candy說：「我都當咗呢門生意好似自己骨肉咁！哈！要造龍B依家都趕唔切啦！搵多啲錢都係想下一代好啲啫，生B要隨緣唔強求，唔生龍B都可以有蛇B！（同老公做生意唔怕有拗撬？）咁又唔怕！仲可以見埋老公做嘢時charming嘅一面，哈！」
致力推行環保
Candy續說：「呢隻布叫做pikka pikka日文係亮晶晶意思。依家好多人都用紙巾嚟抹眼鏡或手機mon，好唔環保，所以我引進呢個品牌。除咗做生意之外，我仲讀緊營養學，可以增值兼幫助修身！」
文：專案組