劉青雲再做神探童話追凶

由劉青雲及內地演員王寶強主演、彭發執導的驚慄電影將於下月上畫，是次為彭發與青雲的首度合作，以拍攝鬼片出名的彭發是次挑戰戲路，唔「搞鬼」，轉以氣氛及節奏勢要令觀眾睇到心寒！導演透露大概劇情：「係講個變態殺手根據童話故事去殺人！」

影帝名導首合作

電影以「糖衣裝」的童話故事堆砌出一個又一個恐怖的殺人戲碼，題材甚具爭議性，戲名亦得以由原本的《索命童話》改成《追凶》，導演謂：「由開始改個戲名時真係面對好多問題，套戲幻滅咗童話，直到依家都有好多人喺網上面鬧緊！」

面對網友的「指摘」，青雲從容面對：「我唔太擔心，如果拍戲有咁多嘢要擔心嘅話真係好多嘢都做唔到。」是次為導演與青雲的首度合作，導演透露：「其實我好多年前已想同佢合作，一講起差人我就諗起青雲，我第一次寫差人戲，所以寫完之後即刻搵佢。」

入行曾拍婚紗相

劉青雲於戲中飾演一對的萬綺雯（蚊蚊）和青雲可謂「黑白配」，蚊蚊大談與青雲的合作感覺：「佢係我偶像嚟o架，細細個已經睇佢，梗係開心啦！」不過原來是次已是他們的二度合作，二人對上一次合作已追溯至二十多年前，青雲更將自己的「第一次」給了對方，蚊蚊透露：「我啱啱入行冇耐同青雲拍過一輯婚紗相！」事隔多年，蚊蚊大讚對方：「佢簡直Man咗又靚仔咗啦！」而青雲亦「禮尚往來」的笑說：「佢依家瘦咗，不過都係咁高！」

文：影視組

攝：林蔚恩

髮型：Jun Ho@SUAVE

化妝：Pui Pui