事業家庭兼顧 唐寧餓戲撇仔頂癮

去年榮升媽咪的唐寧轉眼囝囝已經一歲，雖然她平時要照顧囝囝和兼顧工作，但反而非常享受這種生活，她說︰「安排時間算係咁，私人生活同工作都OK，如果唔使開工都會自己照顧，但要開工就放手畀人湊。」她坦言起初要離開囝囝工作有點不習慣︰「初時都會掛住，有時會睇佢啲相，試過有一次離開香港幾個星期好唔捨得，但依家科技發達可以用視像，反而會令自己更投入工作，快啲做完返去睇囝囝。」

由零開始教

唐寧每日都會教導囝囝成長，她說︰「依家好多嘢都係由零開始，好似會教囝囝上洗手間，畀佢習慣吓。佢都開始講嘢，但見到咩都係嗌Daddy，好好笑。」她更透露囝囝是食得之人，尤其吃了奶粉illuma，變得更有分量︰「佢好食得，可能因為依家用緊隻奶粉好好，令佢有胃口，所以囝囝依家都算係幾重。」

唐寧復出拍劇直認心情緊張。

唐寧提起一歲大囝囝流露出幸福的喜悅。

望打破局限

此外，轉投王維基的她將於月中開拍電視劇，久未拍劇直言非常期待和緊張，她說︰「都餓咗一段時間，因為自己停咗拍劇好幾年，fans都擔心我只係演舞台劇而唔拍電視劇，今年拍番劇覺得好開心同興奮。」更想給觀眾成熟的一面，她說︰「前十年太局限，好多人覺得細路女，所以想演一啲較成熟角色。」

文︰專案組　攝︰吳文聰

場地︰ANA Oyster & Grill